Transporti publik në disa linja të Fushë Kosovës vazhdon të jetë i pezulluar edhe pas më shumë se tri javësh, ndërsa qytetarët po përballen me vështirësi në udhëtimin drejt Prishtinës.

Operatorët “PEP Trans”, “Egzoni Tours” dhe “Eni Trans” njoftuan më 18 gusht se nga 19 gushti do ta ndalonin qarkullimin në linjat Grabovc-Prishtinë-Grabovc, Harilaq-Prishtinë-Harilaq, Hencë-Prishtinë-Hencë dhe Miradi e Epërme-Prishtinë-Miradi e Epërme.

Sipas operatorëve, pezullimi u arsyetua me vështirësitë financiare, rritjen e çmimit të karburantit dhe shtimin e shpenzimeve operative. Deri tani, sipas informacionit të disponueshëm, nuk është gjetur zgjidhje për rikthimin e shërbimit, ndërsa operatorët thonë se situata mbetet pa zgjidhje.