Një 26-vjeçare ka ndërruar jetë pasi është rrëzuar papritur në mes të rrugës në Fushë Kosovë. Pavarësisht ndërhyrjes së ekipit mjekësor, vajza e re nuk ka arritur të mbijetojë.

Ngjarja ka ndodhur mbrëmë, rreth orës 19:50, në rrugën “Nëna Terezë”, përballë KAM Marketit. Rrëzimi i papritur ka alarmuar personat që ndodheshin në atë zonë.

Ekipi mjekësor ka ndërhyrë në vendngjarje, por për 26-vjeçaren ka qenë tepër vonë. Ajo nuk ka arritur të mbijetojë pas incidentit.