Një person ka humbur jetën në një aksident në fshatin Ngucat të Malishevës, pasi ra nga rimorkioja derisa ishte duke punuar.

Sipas Policisë, rreth orës 17:20, nga QKMF-ja në Malishevë është pranuar njoftimi se një person ishte dërguar pa shenja jete. Njësitë relevante policore i janë përgjigjur rastit dhe kanë dalë në vendngjarje.

Policia ka bërë të ditur se bëhet fjalë për një person mashkull të moshës madhore. Për rastin është njoftuar prokurori i shtetit, ndërsa procedurat e tjera ligjore po vazhdojnë në koordinim me të.