Një operacion i gjerë kërkimi po zhvillohet në Greqinë veriore pas arratisjes së një 40-vjeçari shqiptar të dënuar, i cili u largua nga spitali i Serresit.

Sipas të dhënave të publikuara, ai u nxor nga spitali me ndihmën e disa personave të maskuar si policë. Rasti ka vënë në lëvizje autoritetet, të cilat po kërkojnë të arratisurin.

Autoritetet kanë gjetur një nga dy automjetet që dyshohet se janë përdorur gjatë arratisjes. Automjeti i gjetur përbën një nga gjurmët e hetimit për zbardhjen e mënyrës së largimit nga spitali.