Kryeministri i Shqipërisë, Edi Rama, ka reaguar për Gjykatën Speciale në Hagë në ditën kur në Prishtinë mbahet Marshi i Lirisë. Në deklarimin e tij, Rama është shprehur se Hashim Thaçi do të triumfojë me forcën e së vërtetës së tij.

Rama ka thënë se, sipas tij, “farsa” e gjykimit në Hagë është në ditët e fundit. Ai ka paralajmëruar se nga autorët e procesit mund të pritet gjithçka.

Duke folur për pritshmëritë e tij, kryeministri shqiptar e ka krahasuar triumfin e Thaçit me atë të Kosovës, duke iu referuar forcës së së vërtetës së ish-presidentit të Kosovës.